2
Home / தமிழ் சமையல் / சுவையான சத்தான வாழைப்பூ சப்பாத்தி
4

சுவையான சத்தான வாழைப்பூ சப்பாத்தி

201611091014074684_valaipoo-chapati_secvpf

வாழைப்பூவில் அதிகளவு சத்துக்கள் நிறைந்துள்ளது. வாழைப்பூவை வைத்து சப்பாத்தி செய்வது எப்படி என்று பார்க்கலாம்.

தேவையான பொருட்கள் :

கோதுமை மாவு – கால் கிலோ
பாசிப்பருப்பு – 5 டீஸ்பூன்
நறுக்கிய வாழைப்பூ – ஒரு கப்
சின்ன வெங்காயம் – 7
பச்சைமிளகாய் – ஒன்று
பூண்டு – 2 பல்
சீரகம் – 2 சிட்டிகை
உப்பு – தேவையான அளவு
எண்ணெய் – தேவையான அளவு
தயிர் – 2 டீஸ்பூன்

செய்முறை :

* வாழைப்பூவை நார் நீக்கி பொடியாக நறுக்கிக் கொள்ளவும்.

* வெங்காயம், ப.மிளகாயை பொடியாக நறுக்கி கொள்ளவும்.

* பாசிப்பருப்பை சிறிதளவு தண்ணீர் விட்டு வேகவைத்து தண்ணீரை வடித்துக்கொள்ளவும். இத்துடன் வாழைப்பூ, வெங்காயம், பச்சைமிளகாய், பூண்டு, சீரகம், உப்பு சேர்த்து பச்சை வாசனை போகும் வரை வதக்கி இறக்கி சூடு ஆறியதும், மிக்ஸியில் சேர்த்து பேஸ்ட் பதத்துக்கு அரைத்துக் கொள்ளவும்.

* அரைத்த விழுதை கோதுமை மாவுடன் சேர்த்து, தயிர், உப்பு கலந்து தேவையான அளவு தண்ணீர் ஊற்றி, சப்பாத்தி மாவு பதத்துக்குப் பிசைந்து அரை மணி நேரம் ஊற வைக்கவும்.

* மாவை சப்பாத்திகளாக உருட்டி வைக்கவும்.

* தோசை கல்லை அடுப்பில் வைத்து சூடானதும் அதில் உருட்டி வைத்துள்ள சப்பாத்தியை போட்டு சுற்றி சிறிது எண்ணெய் ஊற்றி வெந்ததும் திருப்பி போட்டு எடுக்கவும்.

* சுவையான சத்தான வாழைப்பூ சப்பாத்தி ரெடி.

குறிப்பு :

வாழைப்பூ சீக்கிரத்தில் கறுத்துவிடும். எனவே, மாவு பிசைந்ததும் சப்பாத்தி போடுவது நல்லது.

Leave a Reply

Your email address will not be published. Required fields are marked *

*

BIGTheme.net • Free Website Templates - Downlaod Full Themes